Во државата влегува нова германска инвестиција на компанијата за литиум-јонски батерии „БМЗ“ во вредност од 65 милиони евра.
Инвестицијата отвора нови 755 работни места, со плати од над 1200 евра бруто, велат од СДСМ.
Со проектираниот годишен извоз од над 360 милиони евра, се очекува БМЗ поволно да влијае на извозните способности на државата и подобрување на трговскиот баланс, но и директно учество во градењето на долгорочни и одржливи основи на економскиот раст и развој на земјата.
Партијата заклучува дека економските политики на Владата создаваат поволна бизнис клима, со која Македонија останува атрактивна дестинација за странски инвестиции. Со овој договор во последниве 2,5 години, велат од СДСМ, е заокружен инвестициски циклус од над 950 милиони евра, кои веќе креираат нови работни места чијашто вкупна бројка ќе достигне над 12.500.