На официјалната интернет страна на Министерството за финансии стои дека на 21 август, денес, е планирана нова аукција на државни хартии од вредност.
Министерството за финансии ќе се задолжи за вкупно 405.000.000 денари или вкупно 6,6 милиони евра.
Пред две недели Министерството за финансии преку записи и обврзници на домашниот пазар се задолжи за нови 36,6 милиони евра иако претходно беше најавено дека преку обврзници ќе се повлечат 32,5 милиони евра.
Според државните институции, Владата во изминативе месеци, односно во вториот квартал, повторно го зголемила јавниот и државниот долг. Бројките велат дека , секој ден изминативе 3 месеци, јавниот долг се зголемувал за над половина милион евра или поточно 580.645 евра дневно, додека пак државниот долг се зголемува секој ден за 311.827 евра.