Тој ја прекршил децениската традиција одбивајќи да ги објави своите даночни пријави во изборната кампања во 2016 година.
Финансиите на Доналд Трамп биле во црвена зона во периодот 1985-1994, кога претприемачот од Њујорк загубил скоро 1,2 милијарди долари. Ова беше објавено од страна на Њујорк тајмс, кој доби информации за даночните пријави од магнатот на недвижен имот, објави New York Times.
Весникот доби копии од официјалните даночни пријави од идниот претседател од агенцијата за приходи. Тој објави загуба од 46,1 милиони долари во 1985 година, повеќе од 250 милиони во 1990 и 1991 година, а вкупно 1,17 милијарди во текот на 10-годишниот период. Трамп изгубил толку многу пари за кои тој не можел да плати данок на доход за осум од десет години, вели тој.
Комисијата за буџетските средства од Претставничкиот дом на Конгресот побара од Даночната Управа да обезбеди информации за даноците на Трамп од 2013 до 2018 година. Министерот за финансии Стивен Мнучин го одби ова барање под изговор дека комисијата нема легитимна причина за ова барање. Одбивањето на Мнучин беше очекувано и најверојатно ќе предизвика судска битка.
Откако беше избран за претседател во 2016 година, Трамп го пренел својот бизнис на своите синови. Тој ја прекина децениската традиција, одбивајќи да ги објави своите даночни пријави во изборната кампања во 2016 година.
Еден од адвокатите на претседателот одговори на прашање на NYT дека информациите на весникот за даночните декларации и за бизнисот на Трамп пред 30 години се исклучително неточни, посочува AFP.