OTP Bank Group го објави развојот на најбрзиот суперкомпјутер со вештачка интелигенција во Европа

OTP Group и SambaNova Systems, компанија која го развива најнапредниот софтвер, хардвер и решенија за извршување на апликации кои користат вештачка интелигенција (AI), објавија стратешко партнерство за развој на најбрзиот суперкомпјутер со вештачка интелигенција во Европа.

За 17 милиони OTP клиенти, најавеното партнерство носи побрзи и поперсонализирани финансиски услуги базирани на вештачка интелигенција, благодарение на суперкомпјутерот кој може да обработи огромни количини текстуални информации и податоци за кратко време.

Групацијата OTP и системот SambaNova ќе имплементираат во комерцијалните банки повеќесегментен систем за вештачка интелигенција за најнапредниот јазичен модел во светот, изграден на решението Dataflow-as-a-Service GPT на SambaNova. Оваа имплементација ќе покаже што може да се направи со напредната вештачка интелигенција во индустриите кои се оптоварени со голем број документи, како што е случајот со банкарството и финансиите. Со значително забрзување на процесот и автоматизирање на повторливите задачи, како и создавање повеќе простор за креативност и развој на услуги, иновацијата ќе има позитивно влијание и врз вработените во ОТП во банките низ Европа.

Промената ќе го опфати секој дел од компанијата – од услуги на клиентите до услуги во позадина. Исто така, системот, како национален ресурс за вештачка интелигенција, ќе биде достапен за јавниот сектор, приватната индустрија и високото образование во соработка со ИТМ. Во партнерство со SambaNova Systems, OTP Group го презема водството во Европа во областа на истражување и развој на Вештачка Интелегенција.

„Ова е уникатна соработка помеѓу OTP Group, ITM и SambaNova Systems за да се обезбеди на Унгарија и регионот на Централна и Источна Европа неверојатен ресурс“, рече Péter Csányi, заменик главен извршен директор и раководител на дигитализација на OTP. Тој исто така најави дека револуционерниот суперкомпјутер ќе претставува единствена способност за вештачка интелигенција за развој на јазични модели на ниво на GPT-3 за јазиците низ Централна и Источна Европа.