Сбербанк: Русите за прв пат повеќе плаќаат дигитално отколку со кеш

Според анализата на „Сбербанк”, во последниот квартал од минатата година, Русите извршиле повеќе дигитални плаќања отколку со готовина.

„Сбербанк” го објави истражувањето како дел од својот проект „SberData”, откривајќи дека Русите во текот на последниот квартал оствариле 50,4% од вкупните трансакции преку безготовински инструменти, што претставува зголемување од 4,5 процентни поени споредбено со истиот период во 2018 година.

Регионот Мурманск на северозапад е градот лидер во безготовинските трансакции со 60% од вкупните трансакции. Во меѓувреме, Москва и Санкт Петербург заостануваат и се рангираат на 30-то и 19-то место според рангирањето на руските градови кои ги извршуваат трансакциите безготовински.

Насочувањето на руските граѓани кон дигиталното плаќање е делумно поттикнато од создавањето на национална платежна картичка и национален картичен систем, кој има за цел да ја оспори долгогодишната доминација на „Visa” и „MasterCard”.

Шемата е изградена на барање на претседателот Владимир Путин како одговор на санкциите на САД и ЕУ во 2014 година, во кои „Visa” и „MasterCard” ги прекинаа услугите на неколку банки во земјата по анексијата на Крим.