Консолидираната сметководствена добивка на ОТП групата во првото полугодие изнесуваше 178 милијарди форинти, што е за 15 проценти повеќе на годишна основа. Прилагодувањата во првото полугодие изнесуваат 24,7 милијарди форинти (по оданочување), од кои 6,9 милијарди во вториот квартал.

Прилагодената добивка по оданочување на групата ОТП во првата половина на 2019 година изнесува 202,6 милијарди форинти по оданочување, што претставува зголемување од 19 проценти во однос на претходната година.

Пријавената добивка вклучува нето резултати на „Експрес груп“ и на албанските подружници, така што прилагодената добивка за првата половина од годината би изнесувала 191,6 милијарди форинти.

Резултатот на унгарската групација ОТП банка се подобри за 2 проценти во однос на претходната година и изнесуваше 97,4 милијарди форинти. Нето добивката на ДСК банка (24,4 милијарди форинти) остана стабилна од претходниот квартал и сеуште е втор по големина придонесувач на Групацијата.

Значителни подобрувања во добивката се забележани во хрватската (17,4 милијарди форинти) и украинската банка ОТП (16 милијарди форинти), што остварува значителни независни придонеси од овие банки (во двата случаи +42 проценти на годишно ниво). Бизнисот во Русија оствари поголем профит во првата половина (13,9 милијарди форинти), како и сите други гранки во странство. Бугарската „Експресбанк“ придонесе за консолидирана добивка во првите шест месеци со скоро 10 милијарди форинти. Како резултат на тоа, придонесот на странските филијали за профит се зголеми од година во година (1-вa половина од 2018 година: 39%, 1 половина 2019: 45%).

Во вториот квартал на 2019 година, Групацијата ОТП забележа профит од 112,2 милијарди форинти по оданочување, што претставува зголемување од 23 проценти на годишно ниво и 24 проценти на квартално ниво, што претставува највисок квартален резултат во историјата. Покрај тоа, албанската гранка придонесе 1,2 милијарди форинти и Експресбанк дополнителни 4,6 милијарди.

Консолидираниот прилагоден принос на капиталот се искачи на 23,3 проценти во вториот квартал (+3,6 процентни поени квартално). Клучни компоненти за подобрување на кварталниот резултат се зголемувањето на приходите од работењето од 15,4 милијарди форинти (+14 проценти споредено со претходниот квартал), усогласено со профитот на бугарската и албанската гранка од +7,4 милијарди форинти.

Во исто време, вкупниот трошок на ризикот беше -4,4 милијарди форинти, 1,8 милијарди форинти помалку на квартално ниво. Понатаму, кварталната добивка од 7 милијарди форинти се објаснува со договорот меѓу МОЛ и ОТП за еднократно купување на трезорски акции. Од тоа, дивидендата што ја плати МОЛ во јуни изнесуваше 5,7 милијарди форинти.

 

Забрането превземање на содржината без претходно одобрение од редакцијата на БанкоМетар.мк