Големите имиња во банкарството постојано ги затвораат вратите на илјадници филијали ширум светот, што доведува до некои коментари кои изразуваат сомневање за местото на филијалата во банката во дигиталниот свет. Клиентите се повеќе користат интернет или апликации за паметни телефони за управување со нивните финансии. Но, во реалноста сè уште постои место за банкарски филијали, се додека продолжуваат да иновираат и да се развиваат во пресрет на се повеќе нови финтек новини.

Прво, постојат некои банкарски функции кои сè уште треба да се прават лично. На пример, фазата на регистрација на клиентот, што може да биде збунувачки и долг процес. Постојат некои аспекти за регистрирањето на клиентите кои едноставно не може да се одвиваат на мобилна платформа, како што е стекнувањето на одредени биометриски ингеренции. Новите иновации на пазарот им овозможуваат на клиентите да ги користат напредните услуги во филијалите, вклучувајќи ја и употребата на терминали за самопослужување за безбедно печатење на платежни картички и на самото место – една од најновите моментали иновации. Ова им нуди на корисниците моментално и практично обновување на картичката – а не 7-14 работни денови  чекање за нова картичка и PIN. Па, како можат банките да се осигурат дека ќе бидат релевантни?

Во прегратка на дигиталната трансформација

Банките мора да ја прифатат дигиталната трансформација за да останат во играта. Со регулаторните предизвици кои го засилуваат овој ефект – банките треба да инвестираат во градење лесни за употреба, user friendly портали кои го поедноставуваат процесот на регистрација. Тие треба да постигнат рамнотежа помеѓу исполнувањето на новите регулаторни барања за податоците за клиентите и изградбата на практичен процес за дигитално работење. Откако е воспоставен ефикасен начин за регистрација, банките треба да го разгледаат најдобриот начин на доставување на стратегиските цели. Тоа значи првокласни мобилни апликации, користејќи интелигентна употреба на податоците на клиентите и обезбедување на податоците во секој чекор од обработката на клиентот, од паметните телефони до филијалата на банката. На пример, Al Rajhi Bank, водечка финансиска институција во Саудиска Арабија, има инсталирано киосци за самопослужување, што им овозможува на корисниците да примаат платежни картички на самото место. Тоа е многу побрза и попогодна стратегија за издавање на картички, овозможувајќи персоналот да обезбеди персонализирана поддршка кога лицето е во филијалата на банката.

Персонализацијата е клучна

Филијалата на банката станува помалку важна за клиентите, но сепак е можно да се ангажира со клиентите и да се поттикнат здрави односи во ерата на дигиталното банкарство. Всушност, има повеќе можности за банките да ја поттикнат лојалноста на брендот. Персонализацијата треба да биде клучна тема. Прилагодените банкарски картички и маркетинг понудите во реално време базирани на индивидуални кориснички податоци се само некои од начините финансиските институции да можат да се ангажираат со своите корисници. Постојат начини на кои банките можат да се модернизираат, како што се нудат ПИН кодови од е-канали кои им овозможуваат на клиентите брз и интерактивен начин да ја активираат и да ја користат нивната платежна картичка штом ќе ја имаат во рака.

IoT се инфилтрира во секој сектор, вклучувајќи ги и банките, а филијалите треба да го прифатат IoT за да останат релевантни. Во време кога потрошувачите бараат погодност и постојана персонализирана услуга, како што се апликации за мобилно банкарство и бесконтактни плаќања, Интернетот на Нештата (IoT) има потенцијал да создаде бројни можности за банките. Вистинско персонализирано искуство може да се развие преку податоци во врска со однесувањето и барањата на клиентите, создавајќи ново ниво на интимност на клиентите. Ова потоа може да се користи во филијалата за да се насочи искуството на клиентите со поедноставување на достапните опции и спремност за потенцијални проблеми.

Фокусирање на безбедноста

Патот на банкарското префрлање на интернет и кон апликациите носи безбедносни ризици и закани, вклучувајќи ги и нападите на интегритетот на податоците, фишинг и измами со картички. Исто така, постои проблем со довербата – колку повеќе луѓе пристапуваат кон банката преку интернет и преку мобилен телефон, толку повеќе ризикуваат да станат одделени од нивниот провајдер. Треба да се воспостави доверба преку изградба на повеќеслојна заштита, како и создавање перцепција за безбедноста. Слободна банкарска безбедност подразбира обезбедување на податоци во облакот преку техники како енкрипција и криптографија и опремување на мобилните апликации со силна сигурност на софтверот. Измамите во системот треба да се решат со поттикнување на оддалечување на информации за клиентот од статички картички, гледајќи кон динамични решенија. DCV технологијата, која вклучува сигурносен код кој постојано се менува, многу ја отежнува работата на измамникот да се здобие со детали за картичката. Предноста на банкарските филијали овде, пред финтек решенијата, е нивната долговечност во општеството кое има воспоставено безбедност и почит.

Она што е потребно од банкарските филијали е реинвенција за лесно поврзување на виртуелните и физичките светови, што ќе се случи кога ќе се трансформираат и ќе се здобијат со нови технологии. Банките треба да истражуваат инсталирање на опрема со овозможен IoT и портали за дигитално банкарство во филијали, кои се фокусираат на искуството на клиентите – на пример, овозможувајќи плаќањето да се изврши во рок од само десет минути од уписот. Со зголемувањето на конкуренцијата од финтек start-up-ите, банките треба да се потпрат на силите на нивните филијали за да им обезбедат предности што се потребни за да ги одржат живи.