Групацијата ОТП, која веќе ја презеде Банката на Војводина оваа година, потпиша договор за купување на 100% акционерски капитал на Societe Generale Bank која работи во Србија, соопшти денеска групата на својата веб-страница.
Овој договор ги вклучува сите подружници на Societe Generale Group во Србија, што значи SOGE Leasing и SOGE Insurance. Како што е наведено од страна на групацијата ОТП, завршувањето на оваа финансиска трансакција ќе зависи од одобрението на Народната банка на Србија и Антимонополската комисија, така што завршувањето на целиот процес се очекува во следните неколку месеци.
Унгарската банкарска група, исто така, вели дека Societe Generale Bank со пазарно учество од 8,4 отсто, врз основа на нејзината вкупна актива, е четврта по големина банка на српскиот банкарски пазар и дека е активна во малопродажниот и корпоративниот сегмент.
Наум Димитровски