Твитовите на Елон Маск инспирација за 37% од вложувачите во криптовалути!

Твитовите за криптовалутите кои редовно ги објавува американскиот милијардер Елон Маск охрабруваат многу Американци да инвестираат на тој пазар.

Ова е заклучокот на платформата Пиплсеј, која минатиот месец спроведе онлајн истражување за имиџот и влијанието на американскиот бизнисмен. Споменатото истражување покажа дека 37% од испитаниците барем еднаш инвестирале во криптовалута врз основа на твитовите на Маск.

Анкетата е спроведена на 30.400 испитаници, од кои скоро половина (48%) сметаат дека Маск е „генијалец“, за 22% од нив овој бизнисмен е „смешен“, додека 12% од испитаниците го опишуваат како „луд во позитивна смисла ” Останатите немаат многу позитивно мислење за него.

Сепак, дури и тој број на ентузијасти беше доволен да предизвика некои настани на пазарот на криптовалути. Голем број фанови на Маск започнаа да инвестираат во нив по неговите твитови за крипто-валути. Некои дури за прв пат во своите животи, а некои без да се концентрираат многу.

Од тоа имаа корист дури и компаниите кои Маск не ги пофали, па кога неговите следбеници ја поддржаа апликацијата „Signal“, неговите следбеници на социјалните мрежи започнаа да инвестираат во помалку познатата компанија „Signal Advance“ и го охрабруваа невидениот раст на нејзините акции.