КИЕВ (Ројтерс) – Украинските пратеници денес (во петок) го донесоа буџетот за 2019 година, преземајќи важен чекор за отклучување на 3,9 милијарди долари од кредитите од Меѓународниот монетарен фонд за да го пребродат турбулентниот изборен период следната година.

Точните детали за конечната верзија на буџетот сеуште не се јавни, но премиерот Володимир Гројсман вети дека ќе го одржи во согласност со барањата на ММФ, кои вклучуваат буџетски дефицит од околу 2,3 отсто.

“Почнавме многу процеси, реформи и трансформации”, изјави Гројсман пред пратениците пред гласањето, што се одржа откако парламентот работел во текот на ноќта. “Буџетот на земјата е клучна алатка за спроведување на овие задачи“.

“Во годината 2019, во годината на турбуленции, ние мора да обезбедиме стабилност”.

Гројсман минатата недела за Ројтерс изјави дека се надева оти ќе добие транша од ММФ уште во декември кога ќе се помине буџетот, што исто така ќе го отвори патот за слични исплати од Европската унија и Светската банка.

Украина ги искористи ММФ и другите меѓународни тела за пари за да ја гарантира стабилноста, бидејќи се соочува со зголемен долг во текот на последните две години и делува проблематично за парламентарните и претседателските избори во 2019 година.

Кредитите на ММФ може да дојдат со политички трошоци. Од Владата беше побарано да ги зголемат цените за гасот на домаќинствата за речиси една четвртина како предуслов, што беше критикувано од некои пратеници на опозицијата за време на парламентарните дебати во четвртокот.

Во четвртокот парламентот, исто така, го потврди и министерот за финансии Оксана Маркарова, која ја презеде функцијата во јуни. Нејзиното постојано назначување може да им даде на инвеститорите сигнал за континуитет на политиката.

Таа, како Гројсман и гувернерот на централната банка, разговараше за потребата на Украина за понатамошна соработка со ММФ, која ја поддржа украинската економија погодена по анексијата на Крим во 2014 година и избувнувањето на борбите на истокот.

Помошта од ММФ ефективно е замрзната од април 2017 година, откако перформансите на Украина за реформите се забавија и владата се покажа како неподготвена да ги зголеми цените на бензинот, вештачки намалени од советско време, до пазарните нивоа.

“Ние нема да гласаме за овој буџет”, изјави за новинарите пред гласањето Олег Березуич, шефот на фракцијата на опозицијата Самопомич.

“Овој буџет не е за луѓето, и не е за државата, тоа е фасаден буџет за да се добие транша од Меѓународниот монетарен фонд и да се избегнат одговорнисте. Во голема мера, тие (владата) сакаат да избегнат одговорности пред изборите”.