Веќе има 10 милијардери со богатство од над 100 милијарди $

Неверојатно, но вистинито – девет од десетте најбогати луѓе во светот се Американци, според пресметките на „Bloomberg“.

Сите милијардери во првите 10 веќе имаат богатство кое се мери на над 100 милијарди долари.

Лидерството останува непроменето, предводено од основачот на „Amazon“, Џеф Безос со 206 милијарди долари и извршниот директор на „Tesla“, Илон Маск со 180 милијарди долари.

Најбогатиот Европеец, Бернард Арно, кој е претседател на бордот на директори на компанијата за луксузна стока „LVMH“, е на третото место со богатство од 170 милијарди долари.

Технолошките милијардери Бил Гејтс (Microsoft), Марк Цукерберг (Facebook), Лери Пејџ и Сергеј Брин (Google) и Лери Елисон (Oracle) се на четвртото до осмото место.

90-годишната инвестициска легенда Ворен Бафет и поранешниот извршен директор на „Microsoft“, Стив Балмер се најдоа во првите десет, проценети на 102 и 101 милијарда долари.

Десетте најбогати луѓе на планетата додадоа на своето богатство 245 милијарди долари од почетокот на 2021-ва година.