Според истражувањето на британскиот институт ЦМИ, поради сè почестиот синдром на исцрпеност, желбата за нови искуства и подобра рамнотежа меѓу приватноста и работата, работниците сè повеќе бараат работа во компании кои нудат подолги, можеби платени отсуства од работа, како годишни одмори или слободни денови, објави Бизнис.рс.
Според резултатите од истражувањето што ги сумираше британски Гардиан, 53 отсто од организациите нудат можност за подолги отсуства од работа, а 29 отсто од менаџерите одговориле дека тоа воопшто не е проблем, пренесува СЕЕ.биз.еу. Во јавниот сектор и хуманитарните организации, можноста за подолго отсуство ја потврдиле 62 отсто од интервјуираните менаџери, а во приватниот сектор 44 отсто.
Истражувачите забележуваат дека подолгото отсуство од работа го зголемува задоволството на вработените и придонесува за нивно задржување во постоечките организации и компании. Овој тип на одмор трае неколку недели, но може да трае и повеќе од една година, а често се поврзува со патување низ светот, што е важна цел на милениумската генерација или желбата за нови искуства и вештини и знаења.
Вработените го користат ова време не само за пасивен одмор, туку и за истражување на различни професионални цели и можности, а некои компании веќе го препознаа тоа и се обидуваат да ги задржат креативните и квалитетни вработени кои се изморени од премногу работа.
Технолошкиот гигант „Мајкрософт“ е меѓу компаниите кои на своите вработени, кои се вработени кај нив повеќе од десет години, им нудат подолго платено отсуство, вкупно осум недели.