Според прелиминарните податоци, вредноста на германскиот извоз во земјите надвор од Европската унија во јуни изнесува 58 милијарди евра, што е за 4,5 отсто помалку од истиот месец лани.
Ова е за 2,6 отсто помалку во однос на мај, објави германската Федерална статистичка служба (Дестатис).
Најважниот извозен партнер на Германија во јуни беа Соединетите Американски Држави, бидејќи на американскиот пазар беа извезени стоки во вредност од 13 милијарди евра, но извозот во САД сепак падна за 6,2 отсто во споредба со јуни 2023 година.
Вредноста на германскиот извоз во Кина е намалена за 9,9 отсто на годишно ниво на осум милијарди евра, на извозот во Велика Британија за 3,7 отсто на 6,5 милијарди евра, а на извозот во Русија за 27,1 отсто на 500 милиони евра.
Дестатис на почетокот на месецот објави дека германскиот трговски суфицит се зголемил на 24,9 милијарди евра во мај, бидејќи извозот паднал за 3,6 отсто, а увозот за 6,6 отсто.
По тој повод беше констатирано дека германскиот извоз во земјите надвор од ЕУ изнесува 59,4 милијарди евра, што е за 4,9 отсто помалку од април.