Растот на банкарските кредити на компаниите во Еврозоната драстично се намали во септември.
Овие податоци укажуваат на тоа дека економското забавување на крајот се прелева на активните заеми по периодот на неверојатна еластичност, покажуваат податоците во најновиот извештај на Европската централна банка (ЕЦБ).
Растот на кредитирањето на компаниите во Еврозоната се намали на 3,7 проценти минатиот месец, во однос на растот од 4,3 проценти во август, што претставува најниска стапка на раст за оваа година.
За разлика од намалувањето на кредитирањето кај стопанството, кај населението стапката на раст на кредитирањето остана стабилна на 3,4 проценти.
Во надеж дека ќе спречи долгорочен економски пад, ЕЦБ минатиот месец одобри нова рунда финансиски стимулации, насочена делумно кај банките, да продолжи со кредитирање на реалната економија, дури и ако долгоочекуваното закрепнување не успее да се оствари, се вели во извештајот.
Годишната стапка на раст на паричниот капитал М3, која често служи како индикатор за идните активности, се намали на 5,5 проценти во септември во споредба со 5,8 проценти во август, што е под очекувањата на аналитичарите кои предвидуваа раст од 5,7 проценти.