Групацијата на небанкарски финансиски друштва ги претстави резултатите од работењето. Компаниите од оваа дејност во последниот период се на удар на јавноста по се поголемиот број случаи на измами со брзи кредити, па и нивно подигнување во туѓо име…
Месечните обврски не смеат да бидат над 70 отсто од приходот, утврден е максималниот износ на сите трошоци поврзани со кредитот според новото законско решение кое ги штити потрошувачите на брзи кредити. Укината е можноста за рефинансирање на претходно доспеан кредит во исто финансиско друштво. Зголемен е минималниот влог од 100.000 на 500.000 евра, а задолжително е вработувањето на економист и правник во финансиските друштва.
Изминативе години имаше бројни пријави до МВР за измами со лични податоци. Од друштвата велат дека сега ризиците се сведени на минимум.
Минатата година биле одобрени 200.000 брзи кредити, во просек секој од потрошувачите должи 600-тини евра.